प्रधानमंत्री नरेन्द्र मोदी कह्यो है के सरकार नौजवानां ने नौकरी-धंधा रा बत्ता ऊं बत्ता मौका मुहैया करावण सारू लगातार जतन कर रही है। वे मंगलवार ने न्यारा-न्यारा सरकारी महकमां अर संगठनां मांय 51 हजार ऊं बत्ता नौजवानां ने वीडियो कान्फ्रेंस रे जरिये नियुक्ति पत्र सूंप्या। ईं मौके वे कह्यो के सरकार प्रधानमंत्री इंटर्नशिप योजना रा तहत देश री पांच सौ अगाड़ी कम्पनियां मांय नौजवानां सारू पेड इंटर्नशिप री सरूआत कीनी है। प्रधानमंत्री कह्यो के सरकार नौजवानां ने लगातार पक्की सरकारी नौकरियां दे रही है। प्रदेश मांय ई जयपुर अर जोधपुर मांय लगायी ज्या रोजगार मेळां मांय नौजवानां ने नियुक्ति पत्र दिया ज्या। जयपुर मांय केन्द्रीय मंत्री अर्जुनराम मेघवाल री मौजूदगी मांय कार्यक्रम राख्यी ज्यो। जोधपुर मांय लगायी ज्या रोजगार मेळा मांय केंद्रीय संस्कृति अर पर्यटन मंत्री गजेंद्र सिंह शेखावत कह्यो के केंद्र सरकार नौजवानां ने नौकरियां देवण सारू सगळा जतन कर रही है अर आवता बगत मांय नौकरी धंधा रा बत्ता ऊं बत्ता मौका मुहैया कराया जावेला।