प्रधानमंत्री नरेंद्र मोदी कयो है कि अत्मनिर्भर भारत अर विकसित भारत खातिर वांणी सरकार प्रतिबद्ध है अर समूचे देश साथे पूर्वोत्तर रे विकास खातिर संकल्प रे साथै काम कर्यो जा रह्यो है। रविवार ने असम रे गोळाघाट थापित नुमालीगढ़ रिफाइनरी प्लांट मांय बायो-एथेनॉल प्लांट रे उद्घाटन अर पॉलीप्रोपाइलीन प्लांट री आधारशिला रे पाछे राखी ज्यी जनसभा प्रधानमंत्री कयो कि असम ने सेमिकडंक्टर मिशन रे तौर माथे चुण्यो गयो है। वणा कयो के मेक इन इंडिया रे लगस ने धरातल माथे उतारणे खातिर पूर्वोत्तर री महत्ती भूमिका है। प्रधानमंत्री कयो कि वांणी सरकार नागरिक देवो भव री भावना रे साथे काम कर री है। पूर्वोत्तर मांय असम दौरे रे दूजे दिन प्रधानमंत्री इण सूं पैला दरांग जिळे रा मंगलदोई मांय 18 हजार 530 करोड़ रुपया सूं बत्ती रे बुनियादी ढांचा अर औद्योगिक विकास परियोजनावां रो उद्घाटन अर शिलान्यास कर्यो।