नागौर जिला मांय जायल ब्लॉक रा बोड़वा अर खाटू कलां गांव प्रधानमंत्री जनजातीय उन्नत ग्राम अभियान रा तैत काम करावण सारू चुणी ज्या है। आं गांवां मांय ईं अभियान रा तैत असरदार तरीका ऊं काम करावण सारू ज़िला परिषद रा मुख्य कार्यकारी अधिकारी ने नोडल अहलकार बणायी ज्या है। सवाईमाधोपुर मांय ई आज प्रधानमंत्री जनजातीय उन्नत ग्राम अभियान ऊं जुड्या अहलकारां री मीटिंग राख्यी ज्यी। मीटिंग मांय जिला परिषद रा मुख्य कार्यकारी अधिकारी हरिराम मीणा बतायो के प्रधानमंत्री जनजातीय उन्नत ग्राम अभियान रो मकसद संशोधित क्षेत्र विकास प्राधिकरण-माडा हलका मांय जनजातीय तबका रा लोगां ने सरकारी योजनावां रो फ़ायदो दिरावणो है। वे बतायो के ईं रा तैत प्रधानमंत्री आवास योजना रा तैत बणायी ज्या मकान, जल जीवन मिशन रे ज़रिये हर घर तांई नळ ऊं पाणी पूगावण, आंगनबाड़ी केन्द्र रो विकास, आयुष्मान भारत योजना रे मार्फत स्वास्थ्य बीमा, छात्रावास, स्कूल अर अस्पताल बणा र गांवां बुनियादी ढांचा रा विकास ऊं जुड़्या काम ई कराया जावे है। मीणा बतायो के आकांक्षी जिला सवाईमाधोपुर मांय जनजातीय तबका री जनता री बहुतायत वाळा हलकां मांय 18 महकमा जुड़्या 25 भांत रा काम कराया जावेला। उन्नत ग्राम अभियान रो जिला स्तर रो कार्यक्रम 2 अक्टूबर ने रामसिंहपुरा रा राजीव गांधी क्षेत्रीय प्राकृतिक विज्ञान संग्राहलय मांय राख्या जावेला।