मुख्यमंत्री भजनलाल शर्मा कह्यो है के नौजवान ई देश अर प्रदेश रो भविष्य है अर राज्य सरकार वां ने दिशा देवण, मज़बूत अर काबिल बणावण सारु खास कोशिशां कर रही है। वे शुक्रवार ने प्रदेश मांय राख्यी ज्यी मेगा अभिभावक-शिक्षक बैठक अर युवा संवाद रा जयपुर मांय राख्यी ज्या राज्य स्तर रा कार्यक्रम मांय बोल रह्या हा। मुख्यमंत्री कह्यो के सरकार मोट्यारां ने सरकारी अर गैर सरकारी हलकां मांय नौकरी-धंधा रा मौका मुहैया करावण सारु कोशिश कर रही है। वे कह्यो के नौजवानां ने खुद रा काम-धंधा सरू करण मांय मदद देवण सारु सरकार केई योजनावां चलायी है, ताकि वे नौकरी देवण वाळा बण सके। मुख्यमंत्री कह्यो के नौजवान घणा काबिल है अर वां ने मार्गदर्शन अर सहयोग री ज़रूरत है। श्री शर्मा कह्यो के प्रदेश मांय लगातार सरकारी ओहदां माथे भर्तियां करी जा रही हैं।
मुख्यमंत्री कह्यो के टाबरियां ने आगे बधावण सारु ई सरकार लगातार कोशिश कर रही है। वे ओएमआर शीट मांय कथित धांधली रो जिक्र करता थकां कह्यो के जो कोई गलत कीनो वां ने नी छोड़्या जावेला।
मुख्यमंत्री विद्यार्थियां, वां रा मायतां अर अध्यापकां सागे ई बातचीत कीनी। वे न्यारी-न्यारी योजनावां रा तैत करीब 1 हज़ार करोड़ रुप्या री रकम विद्यार्थियां रा खातां मांय भेजी।