प्रदेश रा 2 हजार 839 गिरदावर सर्किलां मांय काल ऊँ ग्राम उत्थान शिविर लगाया जावेला। दो दौर मांय लगाया जावण वाळा आं शिविरां रो पहलो दौर काल ऊँ 31 जनवरी तांई चालेला। शिविरां मांय कृषि अर पशुपालन समेत 12 महकमां ऊँ जुडी सेवावां रो फायदो एक ई ठौड़ मुहैया करायो जावेला अर तारबंदी अर सौर पंप लगावण सरीखी मंजूरियां मौके ई जारी करी जावेला। राजधानी जयपुर मांय ई आं शिविरां री तैयारियां पूरी व्हे ग्यी है।