प्रदेश रा लंकाऊ हलका मांय थावर ने केई ठौड़ां मेह बरस्यो। सलूंबर, जयसमंद अर सराड़ा हलका मांय चोखी बिरखा व्ही। उदयपुर मांय आज ई मेह बरस्यो। सवाईमाधोपुर जिला मांय ई छांटो-छिड़को व्हेवण ऊं गर्मी ऊं साता मिली। बांसवाड़ा जिला मांय लगातार 2 दिन ऊं व्हे रही बिरखा रे कारण नदी-तळावां मांय खूब पाणी आ रह्यो है। ईं बीचे कोटा बैराज रा दो दरुजा खोल र 7 हज़ार 552 क्यूसेक पाणी निकाळ्यो जा रह्यो है। दूजी कानी चित्तौड़गढ़ ज़िला मांय निम्बाहेड़ा कने चरलिया ब्राह्मण गांव मांय कदमाली नदी मांय नहावण सारू गया दो बच्चा बह ग्या, ज्यां री तलाश करी जा रही है। झालावाड ज़िला मांय रुक-रुक र बिरखा व्ही। बिरखा रे कारण साखां ने नुकसाण री शंका ने ध्यान राखता थकां किसान जिला कलेक्टर ने पानड़ी सूंप र खराबा रो सर्वे करावण री मांग कीनी है।