प्रदेश रा पारा मांय उतार-चढ़ाव बीचे काल ऊं कठे-कठे मावठ व्हेवण रा आसार है। मौसम केन्द्र जयपुर रा निदेशक राधेश्याम शर्मा बतायो के नुवा पश्चिमी विक्षोभ रा असर ऊं राज्य रा मौसम मांय ई बदलाव व्हेला। हनुमानगढ़ मांय पड़ रही ठारी ने ध्यान राखता थकां स्वास्थ्य विभाग जनता सारू एडवाइजरी जारी कीनी है। मुख्य चिकित्सा अर स्वास्थ्य अधिकारी डॉ. नवनीत शर्मा बुजुर्गां, बच्चां अर आस वाळी लुगाइयां ने खास सावचेती राखण बाबत् कह्यो है। वे बतायो के मौसमी बीमारियां ऊँ बचाव सारू सगळा स्वास्थ्य केंद्रां माथे दवाइयां अर जांच री ज़रूरी व्यवस्था करी ज्यी है। महकमो आशा कार्यकर्तावां ऊँ घर-घर जा र ईं बारा मांय जनता मांय जाग जगावण सारू कह्यो है।