प्रदेश रा न्यारा-न्यारा हलकां मांय व्हे रही बिरखा ऊं नदी नाळा मांय पाणी आवण रो सिलसिलो लगातार चाल रह्यो है। राजसमंद जिला मांय नाथद्वारा रा नंदसमंद बंध माथे चादर चाल ग्यी है। जिला रा बाघेरी नाका बंधा माथे पैली ई चादर चाल रही है। 30 फीट बूता वाळी राजसमंद झील मांय ई 17 दशमलव 30 फीट पाणी भर ग्यो है। भरतपुर मांय आज सिंज्यां व्ही बिरखा ऊं मौसम खुशगवार बण ग्यो। चूरु, बाड़मेर अर सवाईमाधोपुर मांय ई मेह रा समाचार है। ईं बीचे चित्तौड़गढ़ जिला मांय डूंगला हलका रा बिलोदा गाँव रा तळाव मांय डूब जावण ऊं चार टाबरियां री मौत व्हे ग्यी। तळाव मांय डूबी टाबरियां री लाशां निकाळ र डूंगला रा अस्पताल मांय रखवायी ज्यी है। सहकारिता मंत्री गौतम दक अस्पताल पूग र मामला री जाणकारी लीनी।