प्रदेश रा केई हलकां मांय मंगलवार ने मौसम बदल जावण ऊँ तेज़ मेह बरस्यो। बिरखा ऊँ गर्मी ऊँ साता मिली। जयपुर, सिरोही, धौलपुर, श्रीगंगानगर अर करौली मांय व्ही बिरखा ऊँ पारो थोड़ो उतर्यो। धौलपुर मांय सड़कां माथे पाणी भर ग्यो। पाली मांय किसानां ने साखां री चिन्ता व्हे ग्यी। मौसम विभाग रे मुजब, आज शेखावाटी हलका समेत जयपुर, भरतपुर, अजमेर, जोधपुर अर बीकानेर संभाग मांय बादळां री गाज सागे बिरखा व्हेवण रा आसार है। महकमो शेखावाटी हलका मांय भारी बारिश सारू चेतायो है।