प्रदेश रा केई हलकां मांय चौमासा पाछे ई चोखो मेह बरस रह्यो है। बुधवार ने जयपुर, भरतपुर, अजमेर, जोधपुर, कोटा अर उदयपुर संभाग मांय बिरखा व्हेवण रा आसार है। मौसम केंद्र जयपुर रे मुजब बिरखा रो दौर आवता तीन-चार दिन और चालण रा आसार है। मौसम महकमो 5 ऊं 7 अक्टूबर बीचे बीकानेर, जोधपुर, उदयपुर, अजमेर अर जयपुर संभाग मांय बारिश मांय और बधोतरी रा आसार जताया है। लारला चौबीस घंटां मांय प्रदेश रा केई हलकां मांय हलकी ऊं मझला दर्जा री बिरखा व्ही। राजधानी जयपुर मांय ई काल बरस्या ज़ोरदार मेह पाछे पाणी भर जावण रे कारण परेशानी रो सामो करणो पड़्यो। मौसम विभाग काल ई ज़ोरदार बरसात रा आसार जताया है।