प्रदेश रा कुछ ज़िलां मांय बुधवार ने हल्की बिरखा व्ही। भरतपुर मांय केई दिनां पाछे कदी तेज तो कदी हल्की बरसात व्ही। बिरखा रे कारण चाल्या सीळा बायरा ऊं गर्मी ऊं साता मिली, हालांकि बरसात रे कारण पाणी भर जावण ऊं आवण‘-जावण मांय परेशानी व्ही। दौसा, अजमेर, उदयपुर, डूंगरपुर अर बांसवाड़ा समेत केई ज़िलां ऊं ई मेह रा समाचार है। दूजी कानी बाड़मेर मांय पड़ रही तेज़ गर्मी बीचे बुधवार ने लगातार दूजा दिन पारो 40 डिग्री सेल्सियस रे आरे-सारे दर्ज करी ज्यो। केई ठौड़ां लोग गर्मी ऊं परेशान रह्या। मौसम विभाग आवता तीन-चार दिन ऊगणी ज़िला मांय बिरखा रा आसार जताया है।