प्रदेश रा कुछ हलकां मांय तैय बगत ऊं करीब सात दिन पैली बुधवार ने चौमासा री बिरखा सरू व्हे ग्यी। मौसम केन्द्र जयपुर राज्य मांय घणखर ठौड़ां आवता दो-तीन दिन मांय मेह व्हेवण रा आसार जताया है। मौसम विभाग रा जयपुर केन्द्र रा निदेशक राधेश्याम शर्मा राज्य मांय घण-खर ठौड़ां आवता दो-तीन दिन मांय मेह व्हेवण री संभावना जतायी है। चौमासा री बिरखा सरू व्हेवण सागे ई पाली, सीकर, अलवर, टोंक, जालौर, जोधपुर, जयपुर अर आरे-सारे रा हलकां मांय बुधवार ने गरज सागे मेह व्हेवण अर ज़ोरदार बायरो बाजण सारू चेतायी ज्यो है। 14 ज़िलां मांय बारिश रो यलो अलर्ट जारी करी ज्यो है। ईं बीचे कोटा अर चूरू मांय व्ही रिमझिम बारिश ऊं गर्मी ऊं साता मिली।