प्रदेश रा ऊगणी ज़िलां मांय बिरखा रो दौर ओजू सरू व्हे ग्यो है। भरतपुर अर धौलपुर जिलां मांय दोपहरां पाछे एक ऊं दो घंटा तांई ज़ोरदार मेह बरस्यो, जिण ऊं नीचला हलकां मांय पाणी भर ग्यो। झुंझुंनू, भीलवाड़ा, नागौर, करौली, पाली अर अजमेर जिलां मांय ई कठे-कठे छांटो-छिड़को व्हेवण अर हल्की बिरखा रा समाचार है। मौसम विभाग रे मुजब प्रदेश मांय आवता दो-तीन दिन बारिश मांय बधोतरी रा आसार है। महकमो बुधवार ने जयपुर, भरतपुर, कोटा, अजमेर अर उदयपुर संभाग मांय कठे-कठे बिरखा व्हेवण अर भरतपुर संभाग मांय कठे-कठे भारी बारिश रा आसार है। 19 सितंबर ने ई बादळां री गाज़ सागे कठे-कठे हल्की बिरखा री संभावना है।