प्रदेश रा ऊगणी हलका मांय चार-पांच दिन री सुस्ती पाछे चौमासा री बिरखा ओजू ज़ोर पकड़ लीनो है। बुधवार ने बारां अर कोटा मांय झमाझम पाणी बरस्यो। लारला चौबीस घंटा मांय सब ऊं बत्ती 14 सेंटीमीटर बिरखा झुंझुनूं जिला रा पिलानी मांय व्ही। अलवर, सवाईमाधोपुर, चित्तौड़गढ़, भरतपुर, डीग, झालावाड़, उदयपुर अर सिरोही मांय ई चोखो मेह बरस्यो। ईं बीचे केई ठोडां उमस भरी गर्मी रही। श्रीगंगानगर मांय अधिकतम तापमान 39 डिग्री सेल्सियस ने पार कर ग्यो। बुधवार ने जयपुर, भरतपुर अर कोटा संभाग रा कुछ हलकां मांय बादळां री गाज सागे तेज अर कठे-कठे भारी बारिश व्हेवण, जदके उदयपुर, अजमेर अर बीकानेर संभाग रा कुछ हलकां मांय हल्की बिरखा रा आसार है। बंगाल री खाड़ी मांय नुवो कम दबाव रो हलको बणबा ऊं प्रदेश रा ऊगणी हलका मांय कठे-कठे 26 जुलाई ऊं बिरखा तेज व्हेवण अर 26 ऊं 30 जुलाई बीचे भारी बारिश व्हेवण रा आसार है।