प्रदेश रा ऊगणी हलका मांय कठे-कठे हल्की बारिश रो दौर चाल रह्यो है, हालांकि आतूणी हलकां मांय गर्मी रो असर ओजू बध ग्यो है। जैसलमेर मांय पारो लारला 2-3 दिन ऊं 40 डिग्री सेल्सियस रे पार दर्ज कर्यो जा रह्यो है, जद के बाड़मेर, जोधपुर, फलौदी, जालौर, श्रीगंगानगर अर बीकानेर मांय अधिकतम तापमान 38 डिग्री सेल्सियस ऊं ऊंचो रिकॉर्ड कर्यो जा रह्यो है। सीकर, अलवर, चित्तौड़गढ़ अर जयपुर समेत केई ठोड़ां दिन री बगत पारो 35 डिग्री सेल्सियस ऊं ऊंचो नापी ज्यो। मौसम विभाग राज्य रा लंकाऊ हलका मांय आवता तीन-चार दिन बारिश रो दौर चालतो रेहवण रा आसार जताया है। सोमवार ने 27 ज़िलां मांय बरसात रो येलो अलर्ट जारी करी ज्यो है।