प्रदेश रा ऊगणी हलका मांय काल ऊं अर आतूणी हलका मांय 2 जुलाई ऊं चौमासा री बिरखा रा दौर मांय तेज़ी आवण रा आसार है। मौसम विभाग आज अलवर, भरतपुर, धौलपुर अर जयपुर समेत 10 ज़िलां मांय ज़ोरदार बायरो बाजण सागे भारी बारिश सारू चेतायो है। मौसम केंद्र जयपुर रा निदेशक राधेश्याम शर्मा बतायो के राज्य मांय आवता चार दिन सारू बिरखा रो येलो अलर्ट जारी करी ज्यो है। श्री शर्मा लोगां ऊं आंधी-तूफान अर तेज बारिश रे दौरान हिफ़ाजत वाळी ठौड़ां माथे रहवण री अपील कीनी है। चूरू मांय काल सब ऊं बत्ती साढे आठ सेंटीमीटर बिरखा व्ही। माउंट आबू, डूंगरपुर, श्रीगंगानगर, पिलानी अर डबोक समेत केई ठौड़ां हलकी बारिश व्ही। चौमासा री बिरखा सरू व्हेवण सागे ई काश्तकार बुवाई सरू कर दीनी है। म्हाणा जालौर खबरनवीस बतायो के चौमासा री पैली बिरखा ऊं किसाना मांय खुशी रो माहोल है। चौमासा री ईं रूत मांय हाल तांई राज्य रा 692 छोटा-मोटा बंधा मांय ऊं 28 बंधा पूरा भर ग्या है। जून महीना मांय एक दिन मांय सब ऊं बत्तो बीस सेंटीमीटर पाणी बारां ज़िला रा उम्मेद सागर मांय बरस्यो।