प्रदेश मांय 2 ऊं 15 अक्टूबर तांई ’सहकार सदस्यता अभियान’ चलायो जावेला। सहकारिता राज्य मंत्री गौतम कुमार दक बतायो के ईं अभियान रो मकसद सहकारी समितियां रा सदस्यां री तादाद कम ऊं कम दस फीसदी बधावणो है। ईं सारू 18 साल ऊं बत्ती उम्र रो कोई ई जणो जन-आधार कार्ड रे मार्फत एसएसओ आईडी रे जरिये अर्जी दे सके है। सहकारिता महकमा री प्रमुख शासन सचिव मंजू राजपाल बतायो के करीब डोढ़ हजार बिना पैक्स वाळी ग्राम पंचायतां मांय सर्वे रो काम पूरो व्हे ग्यो है, अर वठै नुवी प्राथमिक ऋण सोसाइटियां-पैक्स बणायी जावेला। वे कह्यो के अभियान रा तैत 8,600 ऊं बत्ता पैक्स शिविर लगाया जावेला।