प्रदेश मांय 12 ऊँ 31 जनवरी तांई ’घुमन्तु पहचान प्रमाण पत्र’ बणावण सारू सहायता शिविर लगाया जावेला। सामाजिक न्याय अर अधिकारिता मंत्री अविनाश गहलोत आ जाणकारी दीनी। वे बतायो के अ शिविर सगळी पंचायत समितियां अर नगर निकायां मांय लगाया जावेला। शिविरां मांय ’घुमन्तु पहचान प्रमाण पत्र’ सागे आधार कार्ड, मतदाता पहचान पत्र अर जाति प्रमाण पत्र बणावण री व्यवस्था ई करी जावेला। ईं सारु गांवाई हलकां मांय पंचायतां अर शहरां मांय वार्डां रा क्लस्टर बणा र कैंप लगाया जावेला।