प्रदेश मांय 10 दिसम्बर ने पहलो प्रवासी राजस्थानी दिवस मणायो जावेला। राज्य सरकार ईं मौके 9 अर 10 दिसम्बर ने ’राइजिंग राजस्थान’ पार्टनरशिप कॉन्क्लेव-2025 ई राखेला। ईं रा तैत राज्य री माली व्यवस्था रा खास हलकां अर निवेश रा उभरता हलकां, नौजवानां, महिलावां, स्वास्थ्य, ऊर्जा अर उद्योग रा बारा मांय खास सत्र राख्या जावेला। ईं सागे ई दिल्ली, हैदराबाद, सूरत अर कोलकाता सागे संयुक्त अरब अमीरात मांय ई निवेशक रोड शो राख्या जावेला। कॉन्क्लेव ऊं पैली खनन, पेट्रोलियम अर पर्यटन हलका रा बारा मांय ई पूर्व शिखर सम्मेलन राख्या जावेला। ध्यानजोग है के मुख्यमंत्री भजनलाल शर्मा लारला साल राख्यी ज्या राइजिंग राजस्थान ग्लोबल इन्वेस्टमेंट समिट मांय प्रवासी राजस्थानी दिवस मणावण रो ऐलाण कीनो हो।