प्रदेश मांय पड़ रही ज़ोरदार गर्मी अर लू बीचे सरहदी ज़िलां मांय लगातार चढ़तो पारो रोजमर्रा री जिन्दगी माथे घणो असर कर रह्यो है। लारला चौबीस घंटां मांय श्रीगंगानगर सब ऊं गर्म ठोड़ रह्यो, जठे दिन री बगत तापमान 47 दशमलव 8 डिग्री सेल्सियस दर्ज करी ज्यो। म्हाणा खबरनवीस बतायो के ज़िला मांय पड़ रही झंलसा देवण वाळी गर्मी रे कारण लोग घरां ऊं बाहर नी निकळ सक रह्या है।
मौसम विभाग बीकानेर संभाग सारु शुक्रवार ने ई रेड अलर्ट जारी कीनो है। अलवर, भरतपुर, धौलपुर, झुंझुनूं, जैसलमेर अर बाड़मेर ज़िलां मांय लू रे कारण ऑरेंज अलर्ट जारी करी ज्यो है। महकमा रे मुजब रात री बगत ई पारो ऊंचो रह रह्यो है। मौसम महकमो जनता ऊं दिन मांय बाहर निकळती बगत सावचेती राखण अर पीवण री चीजां ज़रुरी तादाद मांय काम लेवण री राय दीनी है।