प्रदेश मांय हर घर तिरंगा अभियान रे तैत न्यारी-न्यारी गतिविधियां री मार्फत देश प्रेम री अलख जगायी जावे अर साथै ई बत्ती ऊं बत्ती लोगां ने अभियान ऊं जोड़्या जावे। भरतपुर रा बगीचा मांय दीतवार ने तिरंगा रंगोली सजायी ज्यी अर देशभक्ति री थीम माथे चित्र अर भाषण होड़ व्ही। ई कडी मांय काले संवारा तिरंगा साईकिल रैली निकाळी जायेला। बालोतरा जिला मांय हर घर तिरंगा हर घर स्वच्छता अभियान रे तैत न्यारा-न्यारा कर्यक्रम व्ह्या। पंचायत थर माथे मनरेगा मजूरां जलाशयां अर मार्गों री सफाई करी। पाली रा सोजत मांय अभियान रे तैत दीतवार ने लोगां अर लोक कलाकारां तिरंगा रैली निकाल र देशभक्ति रो संदेश दियो। पाली री युवा लेखिका आयुषी राखेचा आकाशवाणी ने कविता री मार्फत तिरंगा रो महत्तव बतायो।