प्रदेश मांय हरियाली बढाबा खातर चौमासा रे चालता बडी तादाद मांय पेड-पौधा लगाया जा रिया है। सामाजिक संगठन, शिक्षण संस्थानां अर दफ्तरां मांय पौधरोपण री मुहिम जारी है। हरियाळो राजस्थान अभियान रे तैत बाडमेर रा रतासर मांय थावर ने स्कूली टाबर पौधा लगा र पर्यावरण ने बचाबा रो संदेश दिया। वठी ने बालोतरा रा असाड़ा मांय प्राथमिक स्वास्थ्य केन्द्र माथे पौधा लगाया गया। पाली रा हेमावास गांव री गौशाला मांय पौधरोपण अभियान सरू कर्यो गयो। बांसवाड़ा रा अमरथून मांय भी बड़ी संख्या मांय पढणियां पौधरोपण कार्यक्रम मांय शामिल व्हीया।