प्रदेश मांय सड़क हादसां री रोकथाम सारू डब्ल्यू.एच.ओ. अर एम्स री मदद ऊं ट्रोमा केयर ट्रेनिंग प्रोग्राम चलाया जावेला। मुख्य सचिव वी. श्रीनिवास सोमवार ने जयपुर मांय ईं बारा मांय डब्ल्यू.एच.ओ. अर एम्स रा नुमाइन्दां सागे मीटिंग कीनी। वे अहलकारां ऊं तुरत ज़रुरत रा हालात मांय ज़ख्मी लोगां रो तुरत ईलाज सरु करावण, एम्बूलेंस ने बेगी ऊं बेगी हादसा री ठौड़ पूगावण, अर इमरजेंसी केयर सिस्टम ने मज़बूत बणावण री कार्य योजना तैयार करण सारू कह्यो। विश्व स्वास्थ्य संगठन रा अहलकार डॉ. बी. मोहम्मद बतायो के प्रदेश मांय ट्रोमा केयर ने असरदार बणावण सारू मेडिकल कॉलेजां अर अस्पतालां मांय सिखावण रा कार्यक्रम चलाया जावेला।