प्रदेश मांय सड़क हादसां माथे काबू करण सारु चलाया जा रह्या सड़क सुरक्षा अभियान रा तैत राज्य मांय हाल तांई साढ़े 4 हज़ार ऊं बत्ता चालान करी ज्या है। सलूंबर मांय आवण-जावण रा कायदां ने नीं मानण वाळां रे खिलाफ 4 नवम्बर ऊं काल तांई पुलिस, प्रशासन अर परिवहन विभाग मिल र 41 गाड़ियां रा चालान कीना। जिला परिवहन अधिकारी विपिन माहेश्वरी बतायो के स्कूल-कॉलेजां मांय ई यातायात नियमां री पालना करण री हिदायत दीरीजी है। भीलवाड़ा मांय एस.पी. धर्मेंद्र सिंह यादव हाइवे माथे खास सावचेती राखण रा हुकम दीना है। वे बतायो के गलत तरीकां ऊं आवण-जावण माथे चालान करण सागे ई अंतरराज्यीय ट्रांसपोर्ट एसोसिएशन रे मार्फत जाग जगावण रा शिविर ई लगाया जा रह्या है।