प्रदेश मांय सोमवार ने मंगला पशु बीमा योजना रा दूजा दौर री सरूआत व्ही। ईं रा तैत पशुपालन विभाग री ओर ऊं हर राजस्व गांव मांय मुफ्त शिविर लगाया जा रह्या है। योजना रा तैत गायां, भैंस्यां अर बकरियां रा बीमा कर्या जा रह्या है। इण ऊं ढांढा-ढोर राखण वाळा कुदरती आपदा, हादसा, आगज़नी अर ढांढा री मौत व्हे जावण री सूरत मांय मुआवज़ो ले सकेला। सवाईमाधोपुर ज़िला रा आटूण कलां गांव रा पशुपालक विकास मीणा ढोरां रो मुफ्त बीमो करावण परां खुशी जाहिर कीनी।