प्रदेश मांय सुबह-शाम हल्की ठण्ड महसूस व्हेवण लागी है। अधिकतम तापमान मांय गिरावट व्ही है, पण हाल ई दिन मांय सर्दी रो असर ज़्यादा महसूस नी व्हे रह्यो है। बीती रात घणखर ठौड़ां तापमान 15 डिग्री सेल्सियस या इण ऊं कम दर्ज करी ज्यो। मौसम केन्द्र जयपुर ऊं मिली जाणकारी रे मुजब मंगलवार ने ई सीकर जिला रो फतेहपुर प्रदेश मांय सब ऊं सीळी ठौड़ रह्यो। मौसम केन्द्र जयपुर रा निदेशक राधेश्याम शर्मा बतायो के फिलहाल पारा मांय और गिरावट रा आसार नी है।