प्रदेश मांय सर्दी रो असर धीरे-धीरे बधबा लाग्यो है। लारली रात सीकर ज़िला रा फतेहपुर मांय सब ऊँ कम 6 दशमलव 9 डिग्री सेल्सियस न्यूनतम तापमान दर्ज करी ज्यो जद के सीकर, पिलानी, दौसा, नागौर, चूरू, सिरोही अर अंता मांय ई रात री बगत पारो 10 डिग्री सेल्सियस ऊँ नीचे रह्यो। 8-9 ठौड़ां तापमान 10 डिग्री सेल्सियस नापी ज्यो। दूजी कानी बाड़मेर मांय सब ऊँ बत्तो अधिकतम तापमान 33 डिग्री सेल्सियस दर्ज करी ज्यो। मौसम विभाग आवता एक सप्ताह मांय मौसम सूखो रेहवण सागे पारो 2-3 डिग्री सेल्सियस और उतरण रा आसार जताया है। मौसम केन्द्र जयपुर आवता दो दिन जयपुर अर सीकर संभाग मांय सीळो बायरो बाजण अर टोंक ज़िला अर सीकर ज़िला मांय आवता 5 दिन तांई घणो सीळो बायरो बाजण री संभावना जतायी है।