प्रदेश मांय व्हे री भारी बिरखा रो दौर थोडो धीमो पड्यो है। दीतवार ने ई राज्य री न्यारी न्यारी ठोडां हळकी ऊं मझला दर्जा री बिरखा दर्ज करीजी। बारां, सवाईमाधोपुर, डीग, बांसवाडा अर सिरोही मांय बरसात व्ही। भरतपुर मांय संवारा ऊं रुक-रुकने बिरखा रो दौर चाले। म्हारा खबरनवीस बतायो के लारला दिनां ऊं व्हे री बिरखा ऊं जिन्दगी माथे असर पड़्यो है। मौसम केन्द्र जयपुर रा निदेशक राधेश्याम शर्मा बतायो के आवता दिनां बिरखा री गतिविधियां मांय थोडी कमी आवण री आस है। महकमा मुजब आवता 5-6 दिन आथूणी राजस्थान मांय फगत कुछ ठोडां हळकी बिरखा होवण अर घणकरी ठोडां मौसम सूखो रेहवण री आस है। वठे ई आज नौ जिला मांय बिरखा रो येलो अलर्ट काढी ज्यो है। आं मांय सीकर, झुंझुनूं, जयपुर, अलवर, भरतपुर, करौली, धौलपुर, दौसा अर सवाई माधोपुर जिला भेळा है।