प्रदेश मांय वोटर लिस्टां रा विशेष गहन पुनरीक्षण-एसआईआर रो काम मंगलवार ने सरू व्हे ग्यो। ईं रा तैत बूथ लेवल रा अहलकार- बीएलओ घर-घर जा र सर्वे रो काम कर रह्या है। बीएलओ वोटर लिस्टां मांय नाम वाळा लोगां ने विशिष्ट गणना प्रपत्र बांट रह्या है जिण मांय वां री वोट देवण ऊँ जुड़ी जाणकारियां शामिल है। साल 2003 री वोटर लिस्ट मांय ज्यां रो नाम हो, वां ने कोई और कागज़ात देवण री ज़रूरत नी है। एसआईआर रो काम 4 दिसंबर तांई चालेला। ईं पाछे 9 दिसंबर ने वोटर लिस्टां रो मजमून जारी कर्यो जावेला। आवता साल आठ जनवरी तांई दावा अर आपत्तियां पेश करी जा सकेला। 9 दिसंबर 2025 ऊँ 31 जनवरी, 2026 बीचे दावां अर आपत्तियां रा बारा मांय सुणवाई अर सत्यापन व्हेला। श्रीगंगानगर री जिला निर्वाचन अधिकारी डॉ. मंजू जनता ऊँ बीएलओ ने एसआईआर सर्वे ऊँ जुड़ी मदद करण री अपील कीनी।