प्रदेश मांय लारला कई दिनां ऊं बिरखा री गतिविधियां मांय कमी आवण रे पछे दीतवार ने केई ठौड़ां हल्की बिरखा व्ही। बांसवाडा ज़िला मांय कुछ ठौड़ां एक घंटां तांई झमाझम बिरखा होवण ऊं लोगां ने तेज गर्मी ऊं आराम मिल्यो। बारां मांय तड़के संवारा सरू व्ही बिरखा दोपहर तांई चालती री। वठे ई सवाईमाधोपुर अर करौली मांय ई छांटा-छिड़को व्ह्यो। बालोतरा मांय दीतवार ने संवारां ऊं ई बादळा री आवाजाही चालती री। ई बीचे, मौसम महकमो अगूंणी हवा रा असर ऊं दीतवार अर सोमवार ने दिखणाद अर दिखणाद-अगूणी राजस्थान रा जोधपुर, उदयपुर, कोटा, अजमेर, भरतपुर अर जयपुर संभाग अर आरे सारे रा हलकां मांय कठेई-कठेई मेघ गरजण रे साथै हळका ऊं मझळा दर्जा री बिरखा व्हेवण री आस है। उदयपुर अर कोटा संभागां रा कुछ भागा मांय बिरखा री गतिविधियां 15 अक्टूबर तांई चालता रहवण री आस है।