प्रदेश मांय लगाया जा रह्या शहरी सेवा शिविरां मांय जनता री समस्यावां रो तेज़ी ऊँ निपटारो कर्यो जा रह्यो है। आं शिविरां मांय हाल तांई 11 हजार 156 पट्टा जारी कर दिया ज्या है अर सामाजिक सुरक्षा पेंशन योजना रा तैत पेंशन लेवण वाळा 74 हजार ऊँ बत्ता लोगां री पिछाण करी ज्यी है। स्वास्थ्य सेवावां रे जरिए 1 लाख 49 हजार ऊँ बत्ता जणा रो ईलाज करी ज्यो। ईं सागे ई मुख्यमंत्री स्वनिधि योजना रा तैत 1 हजार 131 जणा ने कर्ज़ मंजूर करी ज्या। ग्रामीण सेवा शिविरां मांय ई पशुपालकां ने खूब फायदो मिल रह्यो है। पशुपालन विभाग रा निदेशक डॉ. आनंद सेजरा बतायो के आं शिविरां ऊँ हाल तांई 3 लाख 34 हज़ार ऊँ बत्ता पशुपालकां ने फायदो मिल्यो है। वे बतायो के 8 लाख 44 हज़ार ऊँ बत्ता ढांढ़ा- ढोरां रो ईलाज करी ज्यो अर 3 लाख 93 हज़ार ऊँ बत्ता जिनावरां रे टीका लगायी ज्या। आं शिविरां रो मार्फत 1 लाख 10 हज़ार ऊँ बत्ती मुख्यमंत्री मंगला पशु बीमा पॉलिसी ई बांटी ज्यी। पाली ज़िला मांय सुमेरपुर हलका रा मणिहारी मांय शुक्रवार ने लगायी ज्या ग्रामीण सेवा शिविर रो कैबिनेट मंत्री जोराराम कुमावत अर जोधपुर री संभागीय आयुक्त प्रतिभा सिंह दौरो कीनो। इंर् मौके वे पात्र लोगां ने पट्टा अर चैक दीना। वे गांव वाळां री परेशानियां ई सुणी अर अहलकारां ने वां रो निपटारा सारू जरूरी हुकम दीना।