प्रदेश मांय मौसम मांय बदलाव सागे बुधवार ने जैसलमेर, श्रीगंगानगर अर बाड़मेर समेत केई ज़िलां मांय छांटो-छिड़को व्ह्यो, जिण ऊं ठंड रो असर बध ग्यो। मौसम केंद्र जयपुर रे मुजब, आवता 24 घंटां मांय बीकानेर, जयपुर अर भरतपुर संभाग मांय ई बादळां री गाज सागे मावठ व्हेवण रा आसार है। ईं सागे ई केई ज़िलां मांय घणी धुंअर रेहवण सारु ई चेतायी ज्यो है। बाड़मेर अर पाली मांय बादळां व्हेवण सागे सीळो बायरो बाजण ऊं पारो उतर्यो। म्हाणा बालोतरा खबरनवीस बतायो के ज़िला रा गिड़ा, पाटौदी अर पचपदरा हलकां मांय ई बिरखा व्हेवण ऊं ठारी बध ग्यी है।