प्रदेश मांय चालू साल मांय अगस्त महीना तांई 15 करोड़ ऊं बत्ता देशी अर करीब 12 लाख परदेशी सैलानी सैर-सपाटा सारू निकळ्या। ईं सागे ई सैलानियां री आमद रा मामला मांय राजस्थान देश मांय पांचवीं ठौड़ माथे पूग ग्यो है। मुख्यमंत्री रा दफ्तर ऊं मिली जाणकारी रे मुजब राज्य मांय सैर-सपाटा रा हलका रा विकास सारू 5 हजार करोड़ रुप्या रो प्रावधान करी ज्यो है। राज्य सरकार महाराणा प्रताप अर ट्राइबल टूरिस्ट सर्किट सरीखी परियोजनावां माथे 100-100 करोड़ रुप्या खर्च कर रही है। ईं सागे ई शेखावाटी री 662 हवेलियां ने बचावण अर धार्मिक ठौड़ां ने बेहतर बणावण सारू ई काम कर्या जा रह्या है।