प्रदेष मांय मॉनसून री गतिविधियां बण्योडी है। मॉनसून गुरूवार ने आगे बधता उत्तराद अर सरहदी जिलां ने ई तरबतर कर दिया है। श्रीगंगानगर जिला मांय गुरूवार ने ई सीजन री पैली तेज बिरखा व्ही। म्हारा खबरनवीस बतायो के जिला रा सादुलषहर अर सूरतगढ मांय व्ही जोरदार बिरखा ऊं निचला हलका मांय पाणी भरीज ग्यो।
मौसम महकमा मुजब आवता चौबीस घंटा मांय उदयपुर, अजमेर अर कोटा संभाग मांय ई कठे-ई-कठे भारी बिरखा होवण री आस है। महकमो आवता दो-तीन दिनां मांय जयपुर अर भरतपुर संभाग रा जिला मांय घणी भारी बिरखा री आस जतायी है। बीकानेर अर जोधपुर संभाग रे साथे आथूणी जिलां मांय शुक्रवार ऊं बिरखा री गतिविधियां मांय बढवार री आस जतायी ज्यी है।