प्रदेश मांय मॉनसूनी बिरखा रो दौर थमणे रे साथे ही घणखर ठौड़ां माथे दिन रे तापमान मांय बधोतरी देखी जा री है। लारला चौबीस घंटा रे चालता प्रदेश मांय सब सूं बत्ती 39 डिग्री सेल्सियस तापमान श्रीगंगानगर मांय दर्ज व्ह्यो। टोंक मांय दीतवार ने व्ही हल्की बूंदाबांदी सूं लोगां ने गर्मी सूं थोड़ी घणी राहत मिली। मौसम केन्द्र जयपुर रे मुजब काले राज्य मांय घणकर जगावां माथे मौसम सूखो रेहवण री आस है। बुधवार ने बीकानेर, जयपुर अर भरतपुर संभाग मांय कठी-कठी बिरखा होवण री आस है।