प्रदेश मांय मुख्यमंत्री अनुप्रति कोचिंग योजना रा तैत अर्जी देवण री आखिरी तारीख बधा र 12 अप्रैल कर दीरीजी है। सामाजिक न्याय अर अधिकारिता विभाग रा निदेशक बचनेश अग्रवाल आ जाणकारी दीनी। वे बतायो के ईं योजना रा तैत न्यारा-न्यारा व्यवसायिक कोर्स मांय दाखिला सारू व्हेवण वाळी प्रवेश परीक्षावां अर सरकारी नौकरियां बाबत् व्हेवण वाळी प्रतियोगी परीक्षावां रे वास्ते उम्मीदवार मुफ़्त कोचिंग सारू अर्जी दे सके है। आं उम्मीदवारां ने विभाग ऊं जुड़्या कोचिंग संस्थानां मांय दाखिला दिया जावेला।