प्रदेश रा दस ऊं बत्ता ज़िलां मांय मंगलवार संवारे ई धुंअर रही। सरहदी हलकां मांय केई ठौड़ां 30 मीटर ऊं आगे निजर नी आयो, जिण ऊं आवण-जावण माथे असर पड़्यो। ईं बीचे मंगलवार संवारे सीकर ज़िला रा फतेहपुर मांय घणा कोहरा रे कारण स्कूल बस अर एंबुलेंस टकरा जावण ऊं एंबुलेंस चलावण वाळा री मौके ई मौत व्हे ग्यी। ईं बीचे मौसम विभाग ऊं मिली जाणकारी रे मुजब सब ऊं कम 7 दशमलव 7 डिग्री सेल्सियस न्यूनतम तापमान माउंट आबू मांय दर्ज करी ज्यो। महकमा रे मुजब ईं सप्ताह कम-ती-कम तापमान मांय खास बदलाव रा आसार नी है, हालांकि आवता चौबीस घंटां मांय केई ठौड़ा धुंअर रेहवण री शंका है।