प्रदेश मांय मंगलवार ने अनंत चौदस पर्व मनायी ज्यो। ईं मौके केई ठोड़ां गणेश चौथ ऊं सरू व्ह्या गणेश महोत्सव रा तैत बिठायी ज्यी गजानंद जी री मूर्तियां ने पूरा विधि-विधान ऊं जलाशयां मांय विसर्जन करीजी। बाड़मेर मांय गाजा-बाजा सागे शोभायात्रा निकाळ र गणेश जी री मूर्तियां ने तळावा मांय विसर्जित करीजी। सवाईमाधोपुर मांय अखाड़ाबाजां रा करतब सागे शोभायात्रा निकाळी ज्यी। जैन मिन्दरां मांय ई मंगलवार ने दशलक्षण पर्व पूरो व्हेवण रे मौके मोटी तादाद मांय जातरू पूग्या। सीकर मांय नसियां जी अर पूजा-पाठ री दूजी ठोड़ां श्रावक उत्तम ब्रहमचर्य धर्म अर अनन्त चौदस री पूजा कीनी।