प्रदेश मांय बुधवार ने केई ठोड़ां हल्की ऊं मझला दर्जा री बिरखा रा समाचार है। चूरू अर आरे-सारे रा हलकां मांय दोपहरां पाछे रिमझिम बारिश व्ही। श्रीगंगानगर ज़िला मांय ई चोखी बरसात व्ही। म्हाणा खबरनवीस बतायो के लारला चौबीस घंटा मांय व्ही जोरदार बिरखा रे कारण केई ठोडां पाणी भर ग्यो। मौसम विभाग रे मुजब लारला चौबीस घंटा मांय सब ऊ बत्तो 10 सेंटीमीटर पाणी हनुमानगढ मांय बरस्यो। सीकर, सिरोही, बांसवाडा अर झुंझुनूं ज़िला मांय ई कठे-कठे मेह व्ह्यो। राज्य रा ऊगणी हलका मांय गुरूवार ऊं जदके आतूणी हलका मांय 12 जुलाई ऊं बिरखा मांय बधोतरी रा आसार है।