प्रदेश मांय पड़ रही ज़ोरदार ठारी अर धुंअर रे कारण जिन्दगी माथे घणो असर पड़ रह्यो है। डूंगरपुर मांय सब ऊँ कम 3 डिग्री सेल्सियस तापमान दर्ज करी ज्यो। सिरोही मांय 4 दशमलव 1, माउंट आबू मांय 4 दशमलव 4, पाली मांय 9 दशमलव 7, श्रीगंगानगर मांय 5 दशमलव 1 अर राजधानी जयपुर मांय 6 दशमलव 8 डिग्री सेल्सियस न्यूनतम तापमान दर्ज करी ज्यो। श्रीगंगानगर समेत केई हलकां मांय घणी धुंअर रही। श्रीगंगानगर मांय घणा कोहरा रे कारण कम निजर आवण ऊँ आवण-जावण माथे असर पड़्यो। मौसम विभाग रे मुजब राज्य मांय आवता एक सप्ताह तांई मौसम सूखो रहवण अर आवता दो-तीन दिन मांय उतराद हलका रा कुछ हिस्सां मांय सीळी लहर चालण अर पारो 1-2 डिग्री सेल्सियस और उतरण रा आसार है। ईं सागे ई कुछ हलकां मांय संवारे री बगत घणी धुंअर रहवण री संभावना है। इण ने ध्यान राखता थकां गाड़ियां सावचेती ऊँ चलावण री राय दीरीजी है।