प्रदेश मांय पेंशनरां ने राहत देवता राज्य सरकार राजस्थान राज्य पेंशनर्स चिकित्सा रियायती योजना-2021 मांय बदलाव कर्यो है। रोकड महकमां कानी ऊं काड़ी ज्यी अधिसूचना मुजब पेंशनर्स सारू आरजीएचएस योजना रे तैत अबार आउटडोर चिकित्सा सुविधा मांय दवाइयां अर जांचा सारू तैय हद ने बधावण सारू चिकित्सा महकमां अर वां रे तैत राजस्थान स्टेट हेल्थ एश्योरेंस एजेन्सी ने शक्ति दीरीजी है। इण रे तैत ओपीडी दवाइयां तैय हद 2 लाख रिप्यां तांई रा बढावा सारू एजेंसी रा अतिरिक्त सी.ई.ओ. अर संयुक्त सी.ई.ओ., 2 लाख ऊं 7 लाख रिप्यां तांईएजेंसी रा मुख्य कार्यकारी ने अधिकृत करी ज्या है। वठे ई 7 लाख रिप्यां ऊं बत्ती सारू चिकित्सा अर स्वास्थ्य महकमां ने अधिकृत करी ज्या है। ध्यान जोग है कि तैय हद री करम मांय बढवार सारू पैला आ शक्ति रोकड महकमां रा तैत ही। मुख्यमंत्री रा ई फैसलां ऊं पेंशनरां ने आप री ओ.पी.डी. दवाईयां अर चिकत्सा जांचा री हद मांय छूट सारू अबे अर्जी देवणो सरल व्हेला। पेंश्नर्स ईं सारू आरजीएचएस पोर्टल मांथे ऑनलाइन अर्जी दे सके है।