प्रदेश मांय पारो उतरण ऊँ ठण्ड रो असर बध ग्यो है। शेखावाटी  हलका मांय कठे-कठे लारला दो दिन मांय रात री बगत पारो करीब आठ डिग्री सेल्सियस तांई उतर्यो। शुक्रवार संवारे सीकर ज़िला रा कुछ हलकां मांय खुली ठौड़ां बर्फ री हल्की परत निजर आयी। मौसम वैज्ञानिक हिमांशु शर्मा बतायो के आवता कुछ दिन मौसम साफ रहवण अर तापमान मांय बदलाव रा आसार नी है। ईं बीचे एक ओड़ी प्रवासी परिन्दा प्रदेश मांय न्यारी-न्यारी ठौड़ा डेरो गाल्योड़ो है तो दूजी ओड़ी देशी-परदेसी सैलानी ई सर्दी री छुट्टियां मांय प्रदेश मांय सैर-सपाटा री न्यारी-न्यारी ठौड़ां पूग रह्या है। म्हाणा उदयपुर खबरनवीस बतायो के झीलां री नगरी, नुवा साल रो जश्न मनावण सारू आया सैलाणियां ऊँ गुलज़ार है।