प्रदेश मांय पश्चिमी विक्षोभ रा असर सूं केई ठौड़ां माथे आंधी चालबा रे सागे हल्को मेह बरसबा रो दौरा जारी है। भीलवाड़ा ज़िला मांय आज केई ठौड़ां माथे हल्को मेह बरस्यो। वठिने पाली ज़िला मांय कुछ एक ठौड़ां माथे मेह बरसबा रे सागे ओळा पड़्या। लारला चौबीस घंटां मांय राज्य मायं सब ऊं बत्तो 42 दशमलव 3 डिग्री सेल्सियस तापमान बीकानेर मांय दर्ज कर्यो गयो। मौसम केन्द्र जयपुर रे मुजब काल जयपुर, भरतपुर, अजमेर, कोटा अर उदयपुर संभागां मांय कठे-कठे मेह बरस सके है। मेहकमा रे मुजब काल सूं पश्चिमी राजस्थान री कुछ एक ठौड़ां माथे तापमान मांय 2 सूं 3 डिग्री सेल्सियस री बढ़ोतरी व्हे सके है।