प्रदेश मांय पंचायती राज अर शहरी निकायां रा चुणाव री तैयारियां तेज़ व्हे ग्यी है। राज्य निर्वाचन आयोग पंचायती राज संस्थावां रा चुणाव सारू विगतवार दिशा-निर्देश जारी कीना है। आयोग सगळा ज़िला कलेक्टरां ने पोलिंग पार्टिंया बणावण रा हुकम दीना है। हुकम रे मुजब महिलावां, दिव्यांगजन अर केंन्द्र सरकार रा कर्मचारी अर घणी जरूरी सेवा देवण वाळा कर्मचारियां ने मतदान ऊँ जुड़ी ड्यूटी मांय नी लगाया जावेला। आयोग रे मुजब बुर्का या घूंघटा मांय मतदान केंद्र माथे आवण वाळी महिलावां री पिछाण सारू महिला कर्मचारियां री मदद ली जावेला।