प्रदेश मांय न्यारी-न्यारी ठौड़ां दीतवार ने हळका ऊं मझला दर्जा री बिरखा व्ही। भरतपुर अर करौली मांय हल्की बिरखा व्ही। पांचना बंधा मांय पाणी चौखी आवक होवण ऊं इण रा दो गेट खोल ने पाणी री निकासी करी जावे। वठे ई झुंझुनूं ज़िला मांय ई केई ठौड़ां झमाझम बिरखा रा समचार है। श्रीगंगानगर ज़िला मांय केई ठौड़ां बिरखा व्ही। सिरोही ज़िला मांय माउंटआबू समेत केई ठौड़ां बिरखा व्ही। म्हाणा खबरनवीस बतायो के मौसम सुहावणो हो ग्यो है अर सैलाणियां री आवक ई बधी है। मौसम केन्द्र जयपुर मांय आज 14 जिलां मांय बिरखा रो येलो अलर्ट काड्यो है। इण मांय सीकर, जयपुर, भरतपुर, धौलपुर, अलवर, करौली, नागौर, सवाईमाधोपुर, टोंक, बूंदी, कोटा, चित्तौडगढ, अजमेर अर भीलवाडा ज़िलां भेळा है। आ ठौड़ां माथे गरज रे साथै हल्की बिरखा री आस है।