प्रदेश मांय नुवा पश्चिमी विक्षोभ रा असर ऊं गुरूवार ने सिंज्यां भरतपुर अर जयपुर संभाग अर शेखावाटी हलका मांय कठे-कठे तेज़ बायरो बाजण सागे बिरखा व्ही। कठे-कठे ओला पड़बा रा ई समाचार है। डीग मांय ज़ोरदार बायरा सागे व्ही बिरखा ऊं केई ठौड़ां रूंखडा़ उखड़ ग्या। कोटपूतली-बहरोड़ मांय ई कठे-कठे बारिश व्हेवण सागे ओला पड़्या। मौसम केन्द्र जयपुर रा निदेशक राधेश्याम शर्मा बतायो के आवता दो-तीन दिन ऐड़ो ई मौसम रेहवण रा आसार है।