प्रदेश मांय देवउठनी एकादशी रे मौके माथे दीतवार ने न्यारा-न्यारा धार्मिक अर सामाजिक कार्यक्रम राख्या जा रिया है। इण मौके माथे मिंदरा मांय सुंवारे सूं ही सिर्द्धालुआं री भीड़ निजर आई। सिंज्या ने मिंदरा मांय दीपदान कर्यो जावे है। राज्य मांय केई ठोडा माथे तुलसी अर शालिग्राम रा खास पूजा-अनुष्ठान भी कर्या जा रिया है। बठीने दीतवार सूं मांगलिक कामां री भी फेरुं सरूआत व्हेगी। केई ठोडा माथे सामूहिक विवाह सम्मेलन भी राख्या जा रिया है। भरतपुर, पाली अर डूंगरपुर जिलां मांय शालिग्राम री बैण्ड बाजां रे साथे बारात निकाळी जी। डूंगरपुर जिला मांय जगह-जगह शोभा जात्रावां निकाळी जी। बठीने तीर्थराज पुष्कर मांय दीतवार ने सूं पंचतीर्थ स्नान सूं धार्मिक मेला री औपचारिक सरूआत व्ही। पुष्कर सरोवर रा न्यारा-न्यारा घाटां माथे सुंवारे सूं ही मोटी तादाद मांय सिर्द्धालु स्नान कर्यो।