प्रदेश मांय दिन अर रात रा तापमान मांय उतार-चढाव रे बीचे हळकी ठंड रो असर बण्योडो है। लारला चौबीस घंटा मांय राज्य रा एकमात्र पर्वतीय पर्यटन स्थल माउंट आबू मांय तापमान मांय मामूली बढ़ोतरी दरज करीजी है। वठी ने रात रो तापमान 6 दशमलव 4 डिग्री सेल्सियस दरज व्ह्यो। वठी ने राज्य रा घणखर ठोडां माथे दिन रो तापमान 26 डिग्री सैल्सियस सूं 31 दशमलव 5 डिग्री सैल्सियस रे बीच बण्योडो है। मौसम केन्द्र जयपुर रे मुजब आवता एक सप्ताह तांई राज्य री घणखर जगावां माथे मौसम सूखो रेहणे री आस है।