प्रदेश मांय ठंड रो असर धीरे-धीरे बधबा सागेे दिन अर रात रा तापमान मांय लगातार गिरावट आ रही है। लारली रात सीकर ज़िला रा फतेहपुर मांय सब ऊं कम 5 डिग्री सेल्सियस न्यूनतम तापमान नापी ज्यो। सीकर मांय 5 दशमलव 4, नागौर मांय 6 दशमलव 1, दौसा मांय 6 दशमलव 9, अंता मांय साढे़ 7 अर चूरू मांय 7 दशमलव 9 डिग्री सेल्सियस कम ती कम तापमान रिकॉर्ड करी ज्यो। घणखर ठोड़ां दिन री बगत पारो 25 ऊं 30 डिग्री सेल्सियस बीचे चाल रह्यो है। मौसम विभाग थावर ने अजमेर, सीकर अर टोंक मांय सीळो बायरो बाजण रा आसार जताया है। सीकर मांय काल ई सीळो बायरो बाजण सारू चेतायी ज्यो है। मौसम केन्द्र जयपुर रा निदेशक राधेश्याम शर्मा आकाशवाणी ने बतायो के आवता एक सप्ताह मांय पारो और उतरण रा आसार है।