प्रदेश मांय चौमासा री बिरखा रो दौर फिलहाल मंदो पड़ ग्यो है। लारला चौबीस घंटा मांय राज्य रा घणखर हलकां मांय घणो मेह नी बरस्यो, हालांकि डूंगरपुर, बांसवाड़ा अर करौली समेत कठे-कठे व्ही हल्की बिरखा ऊं उमस बध ग्यी। श्रीगंगानगर, बीकानेर, जैसलमेर अर बाड़मेर मांय गर्मी रो असर बध ग्यो अर पारो 36 डिग्री सेल्सियस ने पार कर ग्यो। मौसम महकमा रे मुजब आवता 4-5 दिन तांई घणखर ठोड़ां बारिश व्हेवण रा आसार नी है। ध्यान जोग है के ईं चौमासा मांय हाल तांई राज्य मांय औसत ऊं 81 फीसदी बत्ती बिरखा व्हे चुकी है। 1 जून ऊं 4 अगस्त तांई सामान्य तौर ऊं 237 मिलीमीटर व्हे है, जदके ईं साल हाल तांई 428 दशमलव 4 मिलीमीटर बारिश व्हे चुकी है।